Fransiyalik sobiq futbolchi Frank Lebyof "Real" markaziy hujumchisi Kilian Mbappening joriy mavsumdagi o‘yini haqida fikr bildirdi.

Mutaxassisning fikricha, Mbappe hujumlarni sifatli yakunlovchi futbolchi, ammo o‘yinning jamoaviy jihatida unda muammolar bo‘lib turadi.

"Menga hali ham undan biroz ko‘proq narsa kerak - masalan, to‘pni yo‘qotganda, ozgina, ozgina, orqaga qaytib, jamoadoshlariga yordam bermoqchi ekanligini ko‘rsatish," - deya Lebyofning so‘zlarini keltiradi Goal.

Joriy mavsumda "qaymoqranglilar"ning eng yaxshi to‘purari barcha musobaqalarda 24 ta o‘yinda ishtirok etib, 29 ta gol va beshta golli uzatmani o‘z hisobiga yozdirib qo‘ydi.