Франциялик собиқ футболчи Франк Лебёф "Реал" марказий ҳужумчиси Килиан Мбаппенинг жорий мавсумдаги ўйини ҳақида фикр билдирди.
Мутахассиснинг фикрича, Мбаппе ҳужумларни сифатли якунловчи футболчи, аммо ўйиннинг жамоавий жиҳатида унда муаммолар бўлиб туради.
"Менга ҳали ҳам ундан бироз кўпроқ нарса керак - масалан, тўпни йўқотганда, озгина, озгина, орқага қайтиб, жамоадошларига ёрдам бермоқчи эканлигини кўрсатиш," - дея Лебёфнинг сўзларини келтиради Goal.
Жорий мавсумда "қаймоқранглилар"нинг энг яхши тўпурари барча мусобақаларда 24 та ўйинда иштирок этиб, 29 та гол ва бешта голли узатмани ўз ҳисобига ёздириб қўйди.
