"Barselona" hujumchisi Robert Levandovski futboldagi muvaffaqiyat siri bilan o‘rtoqlashdi.
37 yoshli futbolchi anchadan beri dunyoning eng yaxshi hujumchilaridan biri maqomini saqlab kelmoqda. Joriy mavsumda polshalik futbolchi har doim ham asosiy tarkibda maydonga tushavermaydi, ammo baribir ancha samarali harakat qilmoqda.
"Cho‘qqiga chiqish unchalik qiyin emas. Haqiqiy chaqiriq - yildan-yilga top-darajada qolish, motivasiyani yo‘qotmaslik. Istakning o‘zi yetarli emas - harakat ham kerak. Muvaffaqiyatga erishib bo‘lgach, rivojlanishda davom etish uchun g‘ayratli bo‘lish kerak," - deya "ko‘k-anorranglilar" futbolchisining so‘zlarini keltiradi The Touchline.
