"Real" klubi va Germaniya terma jamoasining sobiq yarimhimoyachisi Toni Kroos jahon chempionati 48ta jamoaga kengaytirilganidan norozi.

"Jahon chempionatida ko‘plab davlatlar ishtirok etishi mumkinligi ajoyib, ammo men hozir ko‘proq terma jamoalar o‘ynashiga qarshiman. Futbolchilar va turnir darajasi haqida qayg‘urishimiz kerak. Bu miqdordagi jamoalar bilan biz ko‘plab ishonchli g‘alabalar va mag‘lubiyatlar bilan o‘yinlarni ko‘ramiz, bu esa muxlislar ko‘rishni istaydigan o‘yinlar emas. Bu yana bir saralash bosqichi bo‘ladi.

Men uchun yaxshi, sifatli o‘yinlar muhim. O‘yinlar 5:0 yoki 6:0 hisobida yakunlanishini yoqtirmayman.

Futbolchilar jahon chempionatiga charchab kelishlarini bilaman, endi esa ular jahon chempionatida ko‘proq o‘yin o‘tkazishadi. Daraja pasaymoqda", - dedi Kroos Romarioga bergan intervyusida.