"Manchester Siti" himoyachisi Natan Ake qishda jamoasini o‘zgartirishga tayyor.
Niderlandiya terma jamoasining 30 yoshli himoyachisi APL jadvalida 18-o‘rinda borayotgan "Vest Xem"ga o‘tishdan bosh tortdi.
talkSPORT xabariga ko‘ra, Ake bu qishda "Siti"ni tark etishga qarshi emas, ammo ligada qolish uchun kurashayotgan jamoaga o‘tish niyati yo‘q. Futbolchiga "Nyukasl", "Bornmut", "Kristal Pelas", klublari ham qiziqish bildirmoqda.
"Shaharliklar" yana bir yarim yillik shartnomaga ega Natanni 21 million funtga baholamoqda.
Ispaniya matbuotida "Barselona" Akeni og‘ir jarohat olgan Andreas Kristensenning o‘rinbosari sifatida ko‘rishi mumkinligi haqida xabarlar tarqaldi, ammo "Man Siti"ning so‘rovlari transferni deyarli imkonsiz qilib qo‘ymoqda.
Bu mavsumda Ake APLda atigi 8ta o‘yinda maydonga tushdi.













