"Манчестер Сити" ҳимоячиси Натан Аке қишда жамоасини ўзгартиришга тайёр.
Нидерландия терма жамоасининг 30 ёшли ҳимоячиси АПЛ жадвалида 18-ўринда бораётган "Вест Хэм"га ўтишдан бош тортди.
talkSPORT хабарига кўра, Аке бу қишда "Сити"ни тарк этишга қарши эмас, аммо лигада қолиш учун курашаётган жамоага ўтиш нияти йўқ. Футболчига "Ньюкасл", "Борнмут", "Кристал Пэлас", клублари ҳам қизиқиш билдирмоқда.
"Шаҳарликлар" яна бир ярим йиллик шартномага эга Натанни 21 миллион фунтга баҳоламоқда.
Испания матбуотида "Барселона" Акени оғир жароҳат олган Андреас Кристенсеннинг ўринбосари сифатида кўриши мумкинлиги ҳақида хабарлар тарқалди, аммо "Ман Сити"нинг сўровлари трансферни деярли имконсиз қилиб қўймоқда.
Бу мавсумда Аке АПЛда атиги 8та ўйинда майдонга тушди.
