Enso Mareskaning noaniq uslubiga qaramasdan, «Chelsi»ning ko‘pgina futbolchilari uning rahbarligidagi ishni ijobiy qabul qilgan, deb xabar beradi The Athletic.

Manba ma’lumotlariga ko‘ra, jamoa ichida sog‘lom muhit saqlangan va murabbiy bilan klub rahbarligi o‘rtasidagi ehtimoliy kelishmovchiliklar kiyim almashish xonalaridagi atmosferaga ta’sir qilmagan.

Shu bilan birga, futbolchilar orasida Mareska ketgandan so‘ng klub qaytadan rekonstruksiya bosqichiga kirishi va uning ishdan ketishi jamoaning ichki barqarorligiga salbiy ta’sir ko‘rsatishi mumkinligi haqida xavotirlar mavjud.

Shuningdek, murabbiylik lavozimidagi doimiy o‘zgarishlar barqaror loyihani qurish vazifasini murakkablashtirishi va yaqin kelajakda «Chelsi»ning sovrinlar uchun kurashida to‘siq bo‘lishi mumkinligi qayd etilgan.

Eslatib o‘tamiz, italiyalik mutaxassis 1 yanvar kuni London klubi bosh murabbiyi lavozimidan ozod qilindi.