Ukrainaning "Shaxtyor" va "Manchester Yunayted" klublaridagi o‘yinlari bilan tanilgan braziliyalik yarim himoyachi Fred Rossiya Premyer-ligasiga ko‘chib o‘tishi mumkin.
Marca xabariga ko‘ra, 32 yoshli xavbekni Peterburgning "Zenit" klubi o‘z safiga qo‘shib olmoqchi. "Ko‘k-oqlar" futbolchining transferi bo‘yicha Istanbulning "Fenerbaxche" klubiga taklif bilan chiqdi. Rossiya grandi braziliyalik uchun olti million yevro to‘lashga tayyor.
"Zenit"ning taklifi Turkiya tomonini qoniqtirmaslik ehtimoli katta. "Fenerbahche" kelishuvdan taxminan 12 million ishlab olmoqchi.
Braziliyalik futbolchi Turkiya jamoasida 2023 yilning yozidan buyon to‘p tepib kelmoqda.
