"Kristal Pelas" rahbariyati "Sanderlend"dan uchralgan mag‘lubiyatdan so‘ng emosional fikrlar bildirgan Oliver Glasnerni mavsum oxirigacha bosh murabbiy sifatida saqlab qolmoqchi, deb xabar beradi Sky Sports.
Avvalroq, 51 yoshli mutaxassis mavsum yakunlangach, klubni tark etishini ma’lum qilgandi.
"Sanderlend"dan uchralgan mag‘lubiyatdan (1:2) keyin avstriyalik murabbiy tarkibdagi muammolar fonida "Pelas" rahbariyatini ochiqchasiga tanqid qildi: "Bizni tashlab ketishganini his qilyapman. Ko‘p futbolchilardan foydalana olmayman. Ular qo‘llaridan kelgancha harakat qilishdi va bularning barchasi bir necha hafta va oylardan beri davom etmoqda. Bizda bor-yo‘g‘i 12 yoki 13 kishi bor va biz qo‘llab-quvvatlashni his qilmayapmiz."
Hozirda "Pelas" Glasnerni iste’foga chiqarmoqchi emas va mavsum yakunlangach, xotirjam va munosib tarzda xayrlashishni ma’qul ko‘radi. Klubdagilar murabbiy uzoq davom etgan g‘alabasiz seriya fonida vaziyatni barqarorlashtira olishiga umid qilmoqda.
