Fransiya terma jamoasi, "Real" va "Barselona" klublarining sobiq yarim himoyachisi Lyusyen Myuller 91 yoshida vafot etdi, deya xabar bermoqda futbolchi faoliyatini boshlagan "Strasburg" klubi matbuot xizmati.
O‘lim sababiga aniqlik kiritilmagan.
Myuller "Real", "Barselona" va "Strasburg"dan tashqari "Tuluza" va "Reyms" klublarida ham o‘ynagan. "Reyms" tarkibida xavbek ikki marta Fransiya chempioni bo‘lgan. "Real" bilan birga futbolchi uch marta Ispaniya chempionligini qo‘lga kiritgan.
Myuller futbolchilik faoliyatini yakunlagach, murabbiy bo‘ldi, Ispaniyaning "Kastelyon", "Burgos", "Saragosa", "Barselona", "Malyorka" klublarida ishladi. Shuningdek, u "Monako"ni boshqargan va u bilan Fransiya kubogini qo‘lga kiritgan.
