"Real"ning yangi bosh murabbiyi Alvaro Arbeloa jamoani avvalgi holatiga qaytarishi mumkin. 12 yanvar kuni ishdan bo‘shatilgan sobiq bosh murabbiy Xabi Alonso jamoadan kuchli pressingni talab qildi. Arbeloa esa futbolchilarning maydonda o‘zini erkinroq namoyon qilishini istaydi, deb xabar beradi Diario AS. O‘z tamoyillariga ko‘ra, "qaymoqranglilar"ning hozirgi murabbiyi futbolchilarga to‘p bilan improvizasiya qilishga imkon beradigan va hujumchilarga himoyada ishlash bo‘yicha kamroq talablar qo‘yadigan Karlo Anchelottiga yaqinroq.

"Real" shanba kuni La Liga 21-turi doirasida "Vilyarreal" mehmoni bo‘ladi.