Ispaniyaning "Atletiko" klubi bosh murabbiyi Diyego Simeone Chempionlar Ligasi formati haqida gapirdi.

"Har doim g‘alaba qozonish kerak, lekin hozir - ayniqsa. O‘z maydonimizda va safarda bir xil jamoalar bilan o‘ynamasligimiz har bir o‘yinni o‘ziga xos voqeaga aylantiradi. Chempionlar Ligasi va uning o‘zi ham o‘ziga xos voqea, buni so‘nggi turda ham ko‘ryapmiz - turnir jadvalining quyi qismidagi jamoalar yuqoriga ko‘tarilishni istashmoqda, peshqadamlar esa 1/8 finalga chiqishni kafolatlashga intilishmoqda. Bizni qiziqarli oqshom kutmoqda, unda kuchli sakkizlikka kirishga harakat qilamiz", - deya Simeonening so‘zlarini keltiradi UEFA rasmiy sayti.

Bugun, 28 yanvar kuni Chempionlar ligasi umumiy bosqichining so‘nggi turida "Atletiko" Norvegiyaning "Bude-Glimt" jamoasiga qarshi bahs olib boradi.