Belgiya terma jamoasi tayanch yarim himoyachisi Amadu Onana futboldagi orzulari haqida gapirib berdi. Klublar miqyosida 24 yoshli futbolchi Angliyaning "Aston Villa" klubi sharafini himoya qiladi.

"O‘ylaymanki, bir kun kelib jahon darajasidagi klubga o‘taman. Bu haqiqatan ham mening martaba maqsadim. Yoshim 24 da, ancha ulg‘ayganimni his qilyapman. So‘nggi oylarda o‘zimning eng yaxshi futbolimni o‘ynadim. Emeri menga taraqqiyotga erishishimga yordam berdi. "Everton"da bo‘lganimdan keyin top-klublar bilan aloqam bor edi. Oxir-oqibat, men "Aston Villa"ni tanladim, chunki bu o‘sha paytda to‘g‘ri qadam bo‘ldi, deb qaror qildim," - deya Onanning so‘zlarini keltiradi Nieuwsblad.

Joriy mavsumda 24 yoshli futbolchi 21 ta o‘yinda maydonga tushib, 2 ta gol urdi va 3 ta sariq kartochka oldi. Transfermarkt portali Onanning narxini 42 million yevroga baholamoqda.