Бельгия терма жамоаси таянч ярим ҳимоячиси Амаду Онана футболдаги орзулари ҳақида гапириб берди. Клублар миқёсида 24 ёшли футболчи Англиянинг "Астон Вилла" клуби шарафини ҳимоя қилади.
"Ўйлайманки, бир кун келиб жаҳон даражасидаги клубга ўтаман. Бу ҳақиқатан ҳам менинг мартаба мақсадим. Ёшим 24 да, анча улғайганимни ҳис қиляпман. Сўнгги ойларда ўзимнинг энг яхши футболимни ўйнадим. Эмери менга тараққиётга эришишимга ёрдам берди. "Эвертон"да бўлганимдан кейин топ-клублар билан алоқам бор эди. Охир-оқибат, мен "Астон Вилла"ни танладим, чунки бу ўша пайтда тўғри қадам бўлди, деб қарор қилдим," - дея Онаннинг сўзларини келтиради Nieuwsblad.
Жорий мавсумда 24 ёшли футболчи 21 та ўйинда майдонга тушиб, 2 та гол урди ва 3 та сариқ карточка олди. Transfermarkt портали Онаннинг нархини 42 миллион еврога баҳоламоқда.
