Milanning «Inter» klubi bosh murabbiyi Kristian Kivu jamoa yarim himoyachisi Andi Diuf haqida o‘z fikrlari bilan o‘rtoqlashdi.
«U yangi muhitga tushib qolgan yosh yigit va asta-sekin o‘z salohiyatini namoyish etmoqda. Bugun ham uning o‘yinida ham yaxshi, ham yomon vaziyatlar bo‘ldi, lekin u jamoaga o‘z hissasini qo‘shish ishtiyoqi bilan to‘la. Biz uning qilayotgan ishlaridan mamnunmiz. Ehtimol, kimlardir undan ko‘prog‘ini kutgandir, balki men ham qayerdadir xatoga yo‘l qo‘ygandirman, lekin men xursandman», — deya Kivuning so‘zlarini keltiradi klub matbuot xizmati.
«Inter» Diufni yozgi transfer oynasida «Lans»dan 20 million yevro evaziga sotib olgan edi. «Neradzurrilar» tarkibida 22 yoshli fransiyalik futbolchi barcha turnirlarda 14 ta o‘yin o‘tkazib, uchta gol urishga erishdi.
