Миланнинг «Интер» клуби бош мураббийи Кристиан Киву жамоа ярим ҳимоячиси Анди Диуф ҳақида ўз фикрлари билан ўртоқлашди.

«У янги муҳитга тушиб қолган ёш йигит ва аста-секин ўз салоҳиятини намойиш этмоқда. Бугун ҳам унинг ўйинида ҳам яхши, ҳам ёмон вазиятлар бўлди, лекин у жамоага ўз ҳиссасини қўшиш иштиёқи билан тўла. Биз унинг қилаётган ишларидан мамнунмиз. Эҳтимол, кимлардир ундан кўпроғини кутгандир, балки мен ҳам қаердадир хатога йўл қўйгандирман, лекин мен хурсандман», — дея Кивунинг сўзларини келтиради клуб матбуот хизмати.

«Интер» Диуфни ёзги трансфер ойнасида «Ланс»дан 20 миллион евро эвазига сотиб олган эди. «Нерадзуррилар» таркибида 22 ёшли франциялик футболчи барча турнирларда 14 та ўйин ўтказиб, учта гол уришга эришди.