Dortmundning "Borussiya" klubi Bundesligada ketma-ket 14 ta o‘yindan beri mag‘lubiyat nimaligini bilmayapti — 10 ta g‘alaba va 4 ta durang.

Niko Kovach jamoasi 21-tur doirasida safarda "Volfsburg"ni 2:1 hisobida mag‘lub etdi. Dortmundliklar chempionatda ketma-ket beshinchi g‘alabasini qo‘lga kiritishdi. Ularning so‘nggi mag‘lubiyati 18 oktyabr kuni "Bavariya"dan qabul qilib olingan edi (1:2).

Hozirda "Borussiya" 48 ochko jamg‘arib, Bundesliga turnir jadvalida ikkinchi o‘rinni egallab turibdi. Bitta zaxira o‘yiniga ega bo‘lgan "Bavariya"dan ortda qolish — 3 ochkoni tashkil qilmoqda.

Navbatdagi turda "Borussiya" o‘z maydonida "Mayns"ni qabul qiladi. O‘yin 13 fevral kuni bo‘lib o‘tadi.