"Everton" yarim himoyachisi Jek Grilish jarrohlik amaliyotini o‘taganini ma’lum qildi.
Yanvar oyida "Manchester Siti"dan "Everton"ga ijaraga berilgan Grilishga oyoq kafti suyagining sinishi tashxisi qo‘yilgan edi. "Irislar" bosh murabbiyi Devid Moyes xavbek mavsumning qolgan qismini o‘tkazib yuborishi mumkinligini istisno etmadi.
"Mavsum bunday tarzda yakunlanishini istamagandim, lekin futbol shunaqa. Operasiya qilindi va endi bor e’tiborim sport formamni tiklashga qaratiladi. Shuni aniq bilamanki, avvalgidan ko‘ra sog‘lomroq, kuchliroq va samaraliroq bo‘lib qaytaman.
Ushbu ajoyib klubga o‘tganimdan beri ko‘rsatilayotgan qo‘llab-quvvatlash men uchun juda katta ahamiyatga ega bo‘ldi. Murabbiylar shtabi, jamoadoshlarim va ayniqsa muxlislar shunchaki ajoyib, ushbu klub sharafini himoya qilish menga juda yoqadi. Men yigitlarni qo‘llab-quvvatlab turaman va iloji boricha tezroq safga qaytish uchun hamma ishni qilaman. Barcha mehr-muhabbatingiz uchun yana bir bor rahmat, bu men uchun juda muhim", — deb yozdi Grilish o‘z Instagram sahifasida.
