"Эвертон" ярим ҳимоячиси Жек Грилиш жарроҳлик амалиётини ўтаганини маълум қилди.

Январь ойида "Манчестер Сити"дан "Эвертон"га ижарага берилган Грилишга оёқ кафти суягининг синиши ташхиси қўйилган эди. "Ирислар" бош мураббийи Дэвид Мойес хавбек мавсумнинг қолган қисмини ўтказиб юбориши мумкинлигини истисно этмади.

"Мавсум бундай тарзда якунланишини истамагандим, лекин футбол шунақа. Операция қилинди ва энди бор эътиборим спорт формамни тиклашга қаратилади. Шуни аниқ биламанки, аввалгидан кўра соғломроқ, кучлироқ ва самаралироқ бўлиб қайтаман.

Ушбу ажойиб клубга ўтганимдан бери кўрсатилаётган қўллаб-қувватлаш мен учун жуда катта аҳамиятга эга бўлди. Мураббийлар штаби, жамоадошларим ва айниқса мухлислар шунчаки ажойиб, ушбу клуб шарафини ҳимоя қилиш менга жуда ёқади. Мен йигитларни қўллаб-қувватлаб тураман ва иложи борича тезроқ сафга қайтиш учун ҳамма ишни қиламан. Барча меҳр-муҳаббатингиз учун яна бир бор раҳмат, бу мен учун жуда муҳим", — деб ёзди Грилиш ўз Instagram саҳифасида.