Лионель Месси MLS доирасида «Интер Майами» сафида «Нэшвилл» дарвозасини ишғол қилди. Криштиану Роналду эса шанба куни Саудия Арабистони чемпионатида «Ал-Халиж»га қарши ўйинда гол ура олмади.

Шу тариқа, Месси фаолияти давомида урилган голлар сони бўйича Роналду билан орадаги фарқни қисқартирди. Аргентиналик юлдузнинг ҳисобида энди 927 та гол бор, португалиялик футболчи эса 979 та гол урган.

Икки афсонавий футболчи ўртасидаги фарқ айни пайтда 52 та голни ташкил қилмоқда.

Месси учун Роналду футболчилик фаолиятини якунлагунга қадар унга етиб олиш осон бўлмайди. Шунингдек, Криштиану 1000 голлик маррани Мессидан анча олдин забт этиши эҳтимоли юқори.

Лионель Месси 39 ёшда, Криштиану Роналду эса 41 ёшда.