AS нашри «ПСЖ» ярим ҳимоячиси Витинья ҳақида мақола эълон қилди. Унда португалиялик футболчининг трансфери Англия Премьер-лигаси клублари, «Реал» ва бошқа жамоалар учун ҳам амалга ошиши қийин бўлган вариант экани таъкидланган.

Витинья «ПСЖ»да ўзини бахтли ҳис қилмоқда ва клуб билан янги совринларни қўлга киритишни мақсад қилган. Португалиялик футболчи ҳатто жамоасини ўзгартириш ҳақида ўйламаяпти.

«Витиньяни анчадан буён «Реал» билан боғлашмоқда. Мадридликлар раҳбарияти ҳам, мураббийлар штаби ҳам уни ярим ҳимоя чизиғини кучайтириш учун идеал футболчи деб ҳисоблайди. Бироқ уни сотиб олиш бўйича ҳеч қандай аниқ қадам ташланмаган.

Қолаверса, «Реал»да «ПСЖ»га чуқур ҳурмат билан муносабатда бўлишади. Шу сабабли, эҳтимолий трансфер ҳақидаги миш-мишлар ҳақиқий режалардан кўра мухлисларнинг истакларини кўпроқ акс эттиради», — дейилади мақолада.