Taniqli agent Paulu Barboza Krishtianu Ronaldu va Lionel Messining bir jamoada to‘p surishi mumkinligi haqidagi gap-so‘zlarga o‘z munosabatini bildirdi.

Avvalroq «Inter Mayami» hammuassisi Devid Bekxem portugaliyalik yulduzning Saudiya Arabistonidagi faoliyatini diqqat bilan kuzatayotgani va ikki afsonani birlashtirish uchun uni o‘z jamoasiga taklif qilmoqchi ekanligi haqida xabarlar tarqalgan edi.

«U o‘z boykotini allaqachon yakunladi. Hozircha bu amalga oshishi amrimahol. Bu juda chiroyli bo‘lardi, albatta. Biroq Ronaldu va Messining o‘zlari bir jamoada o‘ynashni xohlagan bo‘lardi, deb o‘ylamayman», — deya Barbozaning so‘zlarini «Chempionat» nashri keltirmoqda.

Ronaldu Pro-Liganing joriy mavsumida 18 ta o‘yinda maydonga tushib, 17 ta gol urishga muvaffaq bo‘ldi. Uning «An-Nasr» bilan shartnomasi 2027 yilning o‘rtalariga qadar amal qiladi.