Таниқли агент Паулу Барбоза Криштиану Роналду ва Лионель Мессининг бир жамоада тўп суриши мумкинлиги ҳақидаги гап-сўзларга ўз муносабатини билдирди.

Аввалроқ «Интер Майами» ҳаммуассиси Дэвид Бекхэм португалиялик юлдузнинг Саудия Арабистонидаги фаолиятини диққат билан кузатаётгани ва икки афсонани бирлаштириш учун уни ўз жамоасига таклиф қилмоқчи эканлиги ҳақида хабарлар тарқалган эди.

«У ўз бойкотини аллақачон якунлади. Ҳозирча бу амалга ошиши амримаҳол. Бу жуда чиройли бўларди, албатта. Бироқ Роналду ва Мессининг ўзлари бир жамоада ўйнашни хоҳлаган бўларди, деб ўйламайман», — дея Барбозанинг сўзларини «Чемпионат» нашри келтирмоқда.

Роналду Про-Лиганинг жорий мавсумида 18 та ўйинда майдонга тушиб, 17 та гол уришга муваффақ бўлди. Унинг «Ан-Наср» билан шартномаси 2027 йилнинг ўрталарига қадар амал қилади.