«Real» yarim himoyachisi Jud Bellingem o‘z kelajagi borasida bir qarorga keldi.

«Touchline» nashri bergan ma’lumotlarga ko‘ra, xavbek faoliyatini yakunlagunga qadar Angliya Premyer-ligasida o‘ynashni istaydi. Biroq, bu futbolchi yaqin orada Angliya chempionati jamoalaridan biriga o‘tadi degani emas.

Jud Bellingem 2023 yilda Dortmundning «Borussiya» klubidan «Real»ga 127 million yevro evaziga o‘tgan edi. Uning «qaymoqranglilar» bilan shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi Madrid klubi safida barcha musobaqalarda 28 ta o‘yinda maydonga tushib, 6 ta gol urdi va 4 ta golli uzatmani amalga oshirdi. «Transfermarkt» portali Bellingemning qiymatini 160 million yevroga baholamoqda.