«Реал» ярим ҳимоячиси Жуд Беллингем ўз келажаги борасида бир қарорга келди.

«Touchline» нашри берган маълумотларга кўра, хавбек фаолиятини якунлагунга қадар Англия Премьер-лигасида ўйнашни истайди. Бироқ, бу футболчи яқин орада Англия чемпионати жамоаларидан бирига ўтади дегани эмас.

Жуд Беллингем 2023 йилда Дортмунднинг «Боруссия» клубидан «Реал»га 127 миллион евро эвазига ўтган эди. Унинг «қаймоқранглилар» билан шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи Мадрид клуби сафида барча мусобақаларда 28 та ўйинда майдонга тушиб, 6 та гол урди ва 4 та голли узатмани амалга оширди. «Transfermarkt» портали Беллингемнинг қийматини 160 миллион еврога баҳоламоқда.