Vitor Pereyra joriy mavsumda «Nottingem Forest»ning to‘rtinchi murabbiyiga aylanishi kutilmoqda.

Sky Sports xabariga ko‘ra, portugaliyalik mutaxassis Shon Daychning iste’fosidan so‘ng bo‘shab qolgan lavozimni egallashga rozilik bergan. Hozirda so‘nggi detallarni kelishib olish qolgan.

Pereyra ushbu mavsumda APLda allaqachon ishladi — u «Vulverxempton»ni boshqargan edi. Uning qo‘l ostida jamoa 10 ta turda 2 ochko jamg‘ardi, shundan so‘ng rahbariyat murabbiyni iste’foga chiqardi.

Ayni damda «Nottingem Forest» APL turnir jadvalida 26 o‘yindan so‘ng 27 ochko bilan 17-o‘rinda bormoqda.