Shanba kuni «Bavariya» «Verder»ni 3:0 hisobida mag‘lub etdi. Xarri Keyn ushbu o‘yinda dubl qayd etdi va kattalar futbolidagi faoliyati davomida urgan gollari sonini 500 taga yetkazib oldi. Ingliz futbolchisi ushbu mavzuda ijtimoiy tarmoqlarda post qoldirdi.
«Faoliyatimda 500 ta gol urish marrasiga yetganimdan juda faxrlanaman! Bu natijaga erishishimda yordam bergan juda ko‘plab insonlar va jamoadoshlarimga minnatdorchilik bildirmoqchiman», — deb yozdi Keyn.
«Bavariya» Germaniya chempionatida peshqadamlik qilmoqda va ikkinchi o‘rindagi Dortmundning «Borussiya» jamoasini olti ochkoga ortda qoldirmoqda. Vensan Kompani jamoasi navbatdagi o‘yinini shanba kuni, 21 fevral kuni o‘z maydonida «Ayntraxt»ga qarshi o‘tkazadi.
