Londonning "Tottenxem" klubi yarim himoyachisi Xavi Simons klub mashg‘ulot bazasida qo‘shimcha bir hafta o‘tkazdi. Bu haqda talkSPORT xabar bermoqda.
Manbaga ko‘ra, 10 fevral kuni bo‘lib o‘tgan "Nyukasl"ga (1:2) qarshi o‘yindan so‘ng "Tottenxem"ning barcha futbolchilari 5 kun dam olishdi. Biroq Xavi Simons formasini yaxshilash uchun dam olishdan voz kechishga qaror qildi.
Joriy mavsumda 22 yoshli niderlandiyalik barcha musobaqalarni hisobga olgan holda 33 ta uchrashuvda qatnashib, 3 ta gol urdi va 6 ta golli uzatmani amalga oshirdi.
22 fevral kuni "Tottenxem" o‘z maydonida "Arsenal"ni qabul qiladi.
