Лондоннинг "Тоттенхэм" клуби ярим ҳимоячиси Хави Симонс клуб машғулот базасида қўшимча бир ҳафта ўтказди. Бу ҳақда talkSPORT хабар бермоқда.
Манбага кўра, 10 февраль куни бўлиб ўтган "Ньюкасл"га (1:2) қарши ўйиндан сўнг "Тоттенхэм"нинг барча футболчилари 5 кун дам олишди. Бироқ Хави Симонс формасини яхшилаш учун дам олишдан воз кечишга қарор қилди.
Жорий мавсумда 22 ёшли нидерландиялик барча мусобақаларни ҳисобга олган ҳолда 33 та учрашувда қатнашиб, 3 та гол урди ва 6 та голли узатмани амалга оширди.
22 февраль куни "Тоттенхэм" ўз майдонида "Арсенал"ни қабул қилади.
