Bugun, 18 fevral kuni Chempionlar ligasining 2025/2026 yilgi mavsumi pley-off bosqichining ilk o‘yini bo‘lib o‘tadi. Unda "Qorabog‘" va "Nyukasl Yunayted" jamoalari to‘qnash kelishadi. Bahs Bakudagi "Tofiq Bahramov" stadionida o‘tkaziladi. Hakamning ilk hushtagi Toshkent vaqti bilan soat 22:45 da yangraydi. Uchrashuvni norvegiyalik bosh hakam Espen Eskos boshqarib boradi.
Jamoalarning boshlang‘ich tarkiblari:
"Qorabog‘": Koxalski, Silva, Mustafazoda, Medina, Jafarquliyev, Bikalyo, Yankovich, Andrade, Montyel, Zubir, Duran.
"Nyukasl Yunayted": Poup, Trippyer, Tshau, Byorn, Xoll, Tonali, Uillok, Barns, Gordon, Elanga, Voltemade.
"Nyukasl Yunayted" va "Qorabog‘" o‘rtasidagi javob uchrashuvi 24 fevral kuni bo‘lib o‘tadi. O‘yin "Sent-Jeyms Park" stadionida (Nyukasl-apon-Tayn) o‘tkaziladi.
Chempionlar ligasining umumiy bosqichi yakunlariga ko‘ra, Ozarbayjon jamoasi 10 ochko jamg‘arib, 22-o‘rinni egalladi. Ingliz klubi esa 14 ochko to‘plagan holda 12-pog‘onadan joy oldi.
