«Barselona»ning sobiq futbolchisi va hattoki sardori bo‘lgan Serxio Roberto bir muncha vaqtdan beri Italiya chempionatida «Komo» sharafini himoya qilmoqda. Ispaniyalik mutaxassis Sesk Fabregas qo‘l ostida klub Italiya chempionati turnir jadvalida allaqachon beshinchi o‘ringa ko‘tarilib oldi. Robertoning ta’kidlashicha, Fabregasda top-klublardan allaqachon ko‘plab takliflar mavjud.

«Aynan u meni klubga qo‘shilishga ko‘ndirgan hal qiluvchi omil bo‘ldi. A Seriyadagi bir yillik faoliyati davomida u yetakchi klublardan ko‘plab muhim takliflarni oldi. Men uni to‘liq ishonch bilan ideal murabbiy deb atay olaman. Uning murabbiylik kelajagi juda porloq», — deya Robertoning so‘zlarini keltirmoqda fcinter1908.it.

Eslatib o‘tamiz, o‘tmishda Fabregas ham «Barselona»da to‘p surgan, biroq u yerda faqat bir mavsum o‘tkazgan.