«Manchester Siti» klubi «Nottingem Forest» yarim himoyachisi Elliot Andersonga bo‘lgan qiziqishini jiddiylashtirishga tayyor.

talkSPORT nashrining xabariga ko‘ra, agar futbolchiga «shaharliklar» va «qizil iblislar» («Manchester Yunayted») o‘rtasida tanlov qilish imkoniyati berilsa, u aynan «Siti»ga o‘tishni afzal ko‘rishi klubga ma’lum.

Ta’kidlanishicha, «Manchester Siti» Andersonni jamoa yetakchisi Rodriga uzoq muddatli o‘rinbosar sifatida ko‘rmoqda. Ushbu transfer bo‘yicha amaliy harakatlar ispaniyalik yarim himoyachining jamoadan ketish-ketmasligiga bog‘liq bo‘ladi.

Anderson hozirda 23 yoshda va uning «o‘rmonchilar» bilan shartnomasi 2029 yil yozigacha mo‘ljallangan. «Nyukasl» akademiyasi tarbiyalanuvchisi hisoblangan futbolchi joriy mavsumda APL va Yevropa Ligasi doirasida 37 ta o‘yinda maydonga tushib, 2 ta gol va 3 ta golli uzatmani amalga oshirdi.