"Real" bosh murabbiyi Alvaro Arbeloa hujumchi Kilian Mbappening holati haqida yangi ma’lumotlarni taqdim etdi. Fransiyalik futbolchi tizzasidagi muammo sababli oxirgi bir necha o‘yinni o‘tkazib yuborgan edi.
"Mbappe kundan-kunga yaxshilanib bormoqda. Uning tiklanish jarayoni rejadagidek ketyapti. Biz maxsus reja ishlab chiqqanmiz. Hamma narsa ijobiy o‘zgarishlarga bog‘liq, ammo men uning holati yaxshi ekanligini ko‘rib turibman. Ertaga u o‘ynamaydi, lekin u Manchesterga borishidan umidvorman.
Uning Manchesterga bora olishini istayman, biroq holatiga qaraymiz. Yakuniy qarorni yakshanba kuni qabul qilamiz. Umid qilamanki, u maydonga tusha oladi. Shundan so‘ng Fransiya terma jamoasi bilan bog‘liq vaziyatni muhokama qilamiz", — dedi Arbeloa jurnalistlarga.
Shanba kuni, 14 mart kuni "Real" Ispaniya chempionati doirasida "Elche"ni qabul qiladi.
