"Реал" бош мураббийи Альваро Арбелоа ҳужумчи Килиан Мбаппенинг ҳолати ҳақида янги маълумотларни тақдим этди. Франциялик футболчи тиззасидаги муаммо сабабли охирги бир неча ўйинни ўтказиб юборган эди.
"Мбаппе кундан-кунга яхшиланиб бормоқда. Унинг тикланиш жараёни режадагидек кетяпти. Биз махсус режа ишлаб чиққанмиз. Ҳамма нарса ижобий ўзгаришларга боғлиқ, аммо мен унинг ҳолати яхши эканлигини кўриб турибман. Эртага у ўйнамайди, лекин у Манчестерга боришидан умидворман.
Унинг Манчестерга бора олишини истайман, бироқ ҳолатига қараймиз. Якуний қарорни якшанба куни қабул қиламиз. Умид қиламанки, у майдонга туша олади. Шундан сўнг Франция терма жамоаси билан боғлиқ вазиятни муҳокама қиламиз", — деди Арбелоа журналистларга.
Шанба куни, 14 март куни "Реал" Испания чемпионати доирасида "Эльче"ни қабул қилади.
