18 martga o‘tar kechasi Chempionlar Ligasi 1/8 finali javob uchrashuvi bo‘lib o‘tadi va unda "Manchester Siti" Madridning "Real" jamoasini mehmon qiladi.
Jamoalar "Etihad" stadionida to‘qnash kelishadi.
Birinchi o‘yinda "qaymoqranglilar" "shaharliklar"ni tor-mor etishgan edi — o‘shanda Federiko Valverde uchta gol urgandi. Endi Pep Gvardiola jamoasi chorak finalga chiqish imkoniyatini saqlab qolish uchun xuddi shunday natija qayd etishi talab etiladi.
Opta superkompyuteri talqiniga ko‘ra, javob bahsida "Siti" favorit hisoblanadi. Ikkinchi o‘yinda maydon egalarining g‘alabasi 58,5 foizga, mehmonlarniki esa 22,1 foizga baholanmoqda. Shu bilan birga, "blankos" chorak finalga chiqish uchun yaqqol favorit bo‘lib turibdi — bu natijaning ehtimoli 86,6 foizni tashkil etadi.
