«Manchester Siti» markaziy yarim himoyachisi Niko O’Rayli Angliya Premyer-ligasida «Arsenal» bilan bo‘layotgan chempionlik poygasi haqida fikr bildirdi.
Kecha, 22 mart kuni «shaharliklar» Angliya liga kubogi finalida O’Raylining dubli evaziga londonliklarni ishonchli tarzda (2:0) mag‘lub etishdi.
«Biz o‘zimizga ishonamiz va buni uddalay olishimizni bilamiz. Endi ular bizning uyimizga kelishlari kerak, bu esa joriy mavsumda ko‘ringanidek, oson bo‘lmaydi. Biz qon hidini sezyapmiz va shu ruhda davom etishimiz kerak», — dedi futbolchi.
«Manchester Siti» chempionatda peshqadamlik qilayotgan «Arsenal»dan to‘qqiz ochko ortda qolmoqda. Ushbu jamoalarning navbatdagi to‘qnashuvi 19 aprel kuni «shaharliklar»ning uy stadionida bo‘lib o‘tadi.
