«Манчестер Сити» марказий ярим ҳимоячиси Нико О’Райли Англия Премьер-лигасида «Арсенал» билан бўлаётган чемпионлик пойгаси ҳақида фикр билдирди.
Кеча, 22 март куни «шаҳарликлар» Англия лига кубоги финалида О’Райлининг дубли эвазига лондонликларни ишончли тарзда (2:0) мағлуб этишди.
«Биз ўзимизга ишонамиз ва буни уддалай олишимизни биламиз. Энди улар бизнинг уйимизга келишлари керак, бу эса жорий мавсумда кўринганидек, осон бўлмайди. Биз қон ҳидини сезяпмиз ва шу руҳда давом этишимиз керак», — деди футболчи.
«Манчестер Сити» чемпионатда пешқадамлик қилаётган «Арсенал»дан тўққиз очко ортда қолмоқда. Ушбу жамоаларнинг навбатдаги тўқнашуви 19 апрель куни «шаҳарликлар»нинг уй стадионида бўлиб ўтади.
