«Chelsi» yarim himoyachisi Enso Fernandes Madridning «Real» klubiga o‘tishi mumkinligi haqidagi mish-mishlarga izoh berdi.

«Rostini aytsam, [bu borada] hech qanday gap-so‘z yo‘q. Hech qanday muzokaralar olib borilmayapti. Men bor e’tiborimni «Chelsi»ga va mavsumning qolgan qismiga qaratganman, Jahon chempionatidan keyin esa nima bo‘lishini ko‘ramiz», — deya Fernandesning so‘zlaridan iqtibos keltiradi jurnalist va insayder Fabrisio Romano o‘zining X ijtimoiy tarmog‘idagi sahifasida.

Joriy mavsumda argentinalik futbolchi barcha musobaqalarda 46 ta o‘yinda ishtirok etib, 12 ta gol va 6 ta golli uzatmani amalga oshirdi. Futbolchining klub bilan amaldagi mehnat shartnomasi 2032 yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 90 million yevroni tashkil etadi.