«Челси» ярим ҳимоячиси Энцо Фернандес Мадриднинг «Реал» клубига ўтиши мумкинлиги ҳақидаги миш-мишларга изоҳ берди.

«Ростини айтсам, [бу борада] ҳеч қандай гап-сўз йўқ. Ҳеч қандай музокаралар олиб борилмаяпти. Мен бор эътиборимни «Челси»га ва мавсумнинг қолган қисмига қаратганман, Жаҳон чемпионатидан кейин эса нима бўлишини кўрамиз», — дея Фернандеснинг сўзларидан иқтибос келтиради журналист ва инсайдер Фабрицио Романо ўзининг X ижтимоий тармоғидаги саҳифасида.

Жорий мавсумда аргентиналик футболчи барча мусобақаларда 46 та ўйинда иштирок этиб, 12 та гол ва 6 та голли узатмани амалга оширди. Футболчининг клуб билан амалдаги меҳнат шартномаси 2032 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 90 миллион еврони ташкил этади.