Аргентиналик ҳужумчи Лионель Мессининг отаси Хорхе Месси 68 ёшида Росарио шаҳридаги клиникада вафот этди. Бу ҳақда Аргентинанинг Infobae нашри хабар бермоқда. У узоқ вақт давомида хасталик билан курашган, бироқ айнан қайси касаллик эканига аниқлик киритилмаган.
Жаҳон чемпионатини Жазоирга қарши ўйиндаги (3:0) ҳет-трик билан бошлаган Месси баҳсдан сўнг кўз ёшларини тутиб тура олмаган эди. Интервьюсида у бу реакция спорт билан боғлиқ эмаслигини, балки бошдан кечиришига тўғри келган оғир кунлар сабаб эканини айтганди. Ўшанда Мессининг отаси оғир хаста экани ҳақида хабарлар пайдо бўла бошлаган, чунки у Аргентина терма жамоаси ўйинлари вақтида Леонинг оиласи билан бирга трибунада кўринмаган эди.
