«Arsenal» qanot himoyachisi Ben Uayt joriy mavsum yakunidan so‘ng klubdagi faoliyatini yakunlashi mumkin. Bu haqda HandofArsenal nashri xabar bermoqda.
Mish-mishlarga ishonilsa, 28 yoshli futbolchining xizmatlariga «Everton» klubi qiziqish bildirmoqda. Manbaning ta’kidlashicha, «Arsenal» sport direktori Andrea Bertega yozda bir nechta futbolchilarni sotish vazifasi yuklatilgan va Uayt sotiladigan o‘yinchilardan biriga aylanishi mumkin.
Ushbu mavsumda Uayt barcha turnirlarda 21 ta o‘yinda ishtirok etib, bitta gol urdi va ikkita golli uzatmani amalga oshirdi. Transfermarkt portali futbolchining bozor qiymatini 30 million yevroga baholamoqda.
