«Barselona» yarim himoyachisi Fermin Lopes Madridning «Real» klubiga bo‘lgan munosabati haqidagi savolga javob berdi.

– Agar «Barselona»ga muxlislik qilsang, «Real»dan nafratlanishing shartmi? – deya «ko‘k-anorranglilar»ning 22 yoshli futbolchisidan intervyu davomida so‘rashdi.

– Ha, raqobatning mazmuni ham aynan shunda. Agar sen «Barselona» tarafdori bo‘lsang, «Real» senga yoqishi mumkin emas — va aksincha. Har ikkala jamoani birdek qo‘llab-quvvatlab bo‘lmaydi. Futbolni sevadigan har qanday inson uchun buning iloji yo‘q, – deya Ferminning so‘zlarini keltirmoqda Managing Barca.

Lopes — Kataloniya grandi akademiyasi bitiruvchisi hisoblanadi. Juma kuni u Ispaniya terma jamoasining Serbiyaga qarshi kechgan o‘rtoqlik uchrashuvidagi (3:0) g‘alabasiga golli uzatma amalga oshirgan holda o‘z hissasini qo‘shdi.