«Барселона» ярим ҳимоячиси Фермин Лопес Мадриднинг «Реал» клубига бўлган муносабати ҳақидаги саволга жавоб берди.

– Агар «Барселона»га мухлислик қилсанг, «Реал»дан нафратланишинг шартми? – дея «кўк-анорранглилар»нинг 22 ёшли футболчисидан интервью давомида сўрашди.

– Ҳа, рақобатнинг мазмуни ҳам айнан шунда. Агар сен «Барселона» тарафдори бўлсанг, «Реал» сенга ёқиши мумкин эмас — ва аксинча. Ҳар иккала жамоани бирдек қўллаб-қувватлаб бўлмайди. Футболни севадиган ҳар қандай инсон учун бунинг иложи йўқ, – дея Ферминнинг сўзларини келтирмоқда Managing Barca.

Лопес — Каталония гранди академияси битирувчиси ҳисобланади. Жума куни у Испания терма жамоасининг Сербияга қарши кечган ўртоқлик учрашувидаги (3:0) ғалабасига голли узатма амалга оширган ҳолда ўз ҳиссасини қўшди.