«Bavariya» darvozaboni Manuel Noyer myunxenliklarning jamoaviy mashg‘ulotlarida ishtirok etdi. Bu haqda nemis klubining X ijtimoiy tarmog‘idagi rasmiy sahifasi xabar bermoqda. Golkiper yaqinda chap boldir mushagidagi jarohatidan forig‘ bo‘ldi.

Noyerdan tashqari, himoyachi Rafael Gerreyru ham mashg‘ulotlarni to‘liq o‘tkazdi. Alfonso Devis, Aleksandar Pavlovich va Jamal Musiala esa mashqlarning bir qismini bajarishdi. Myunxenliklarning ikkinchi darvozaboni Yonas Urbig individual dastur asosida shug‘ullandi — u avvalroq Germaniya terma jamoasi ixtiyorida bo‘lganida jarohat olgan edi.

Joriy mavsumda Noyer «Bavariya» safida barcha turnirlarda 29 ta o‘yinda maydonga tushdi. Ushbu bahslarda u 27 ta gol o‘tkazib yubordi va 10 ta uchrashuvda o‘z darvozasi daxlsizligini saqlab qoldi («quruq o‘yin»).