«Бавария» дарвозабони Мануэль Нойер мюнхенликларнинг жамоавий машғулотларида иштирок этди. Бу ҳақда немис клубининг X ижтимоий тармоғидаги расмий саҳифаси хабар бермоқда. Голкипер яқинда чап болдир мушагидаги жароҳатидан фориғ бўлди.

Нойердан ташқари, ҳимоячи Рафаэл Геррейру ҳам машғулотларни тўлиқ ўтказди. Альфонсо Дэвис, Александар Павлович ва Жамал Мусиала эса машқларнинг бир қисмини бажаришди. Мюнхенликларнинг иккинчи дарвозабони Йонас Урбиг индивидуал дастур асосида шуғулланди — у аввалроқ Германия терма жамоаси ихтиёрида бўлганида жароҳат олган эди.

Жорий мавсумда Нойер «Бавария» сафида барча турнирларда 29 та ўйинда майдонга тушди. Ушбу баҳсларда у 27 та гол ўтказиб юборди ва 10 та учрашувда ўз дарвозаси дахлсизлигини сақлаб қолди («қуруқ ўйин»).