Angliyaning «Nyukasl» klubi xo‘jayini Devid Xopkinson jamoa boshqaruvidagi Eddi Xauning kelajagi borasida ehtiyotkorlik bilan fikr bildirdi.

Uning qo‘l ostida klub joriy mavsumda ichki chempionatda porlamayapti va Chempionlar ligasini ham sharmandali tarzda tark etdi — to‘g‘ri, jamoa pley-off bosqichigacha yetib bordi, ammo u yerda «Barselona»dan 1:7 hisobida qaqshatqich mag‘lubiyatga uchradi. Xopkinson bu natija juda og‘riqli bo‘lganini yashirib o‘tirmadi.

«Derbidagi mag‘lubiyat bizga qattiq zarba bo‘ldi. Biz bunday o‘yinlarga juda jiddiy qaraymiz. Bu shunchaki uch ochkodan ko‘proq narsani anglatadi. Ko‘ngilda xiralik qoldi. Yaqinda Eddi bilan birga tushlik qildik, o‘tirib juda ko‘p narsalar, jumladan, shu mag‘lubiyat haqida ham gaplashib oldik», — deya Xopkinsonning so‘zlarini derbyderbyderby.it nashri keltirmoqda.

Eslatib o‘tamiz, Xau 2021 yildan beri «Nyukasl»da faoliyat yuritib kelmoqda.