Англиянинг «Ньюкасл» клуби хўжайини Дэвид Хопкинсон жамоа бошқарувидаги Эдди Хаунинг келажаги борасида эҳтиёткорлик билан фикр билдирди.
Унинг қўл остида клуб жорий мавсумда ички чемпионатда порламаяпти ва Чемпионлар лигасини ҳам шармандали тарзда тарк этди — тўғри, жамоа плей-офф босқичигача етиб борди, аммо у ерда «Барселона»дан 1:7 ҳисобида қақшатқич мағлубиятга учради. Хопкинсон бу натижа жуда оғриқли бўлганини яшириб ўтирмади.
«Дербидаги мағлубият бизга қаттиқ зарба бўлди. Биз бундай ўйинларга жуда жиддий қараймиз. Бу шунчаки уч очкодан кўпроқ нарсани англатади. Кўнгилда хиралик қолди. Яқинда Эдди билан бирга тушлик қилдик, ўтириб жуда кўп нарсалар, жумладан, шу мағлубият ҳақида ҳам гаплашиб олдик», — дея Хопкинсоннинг сўзларини derbyderbyderby.it нашри келтирмоқда.
Эслатиб ўтамиз, Хау 2021 йилдан бери «Ньюкасл»да фаолият юритиб келмоқда.
