«Yuventus» markaziy himoyachisi Gleyson Bremer Yevropaning top-klublarida qiziqish uyg‘otdi.
Jurnalist Ekrem Konurning xabar berishicha, braziliyalik futbolchi bilan shartnoma imzolash imkoniyatini Angliyaning «Liverpul», «Chelsi», «Manchester Yunayted» va «Tottenxem» klublari, shuningdek, Germaniyaning «Bavariya» hamda Fransiyaning «PSJ» jamoalari ko‘rib chiqmoqda. «Keksa sinyora» 29 yoshli futbolchi uchun taxminan 60 mln yevro talab qilmoqda.
Transfermarkt portaliga ko‘ra, Gleyson Bremerning bozor qiymati ancha past — 35 mln yevroni tashkil etadi. Joriy mavsumda futbolchi «Yuventus» safida barcha turnirlarda 24 ta o‘yinda maydonga tushib, o‘z hisobiga uchta gol va shuncha golli uzatmani yozdirib qo‘ydi.
