«PSJ» himoyachisi Lyuka Ernandes jamoadoshi Usmon Dembelening o‘yinidan hayratda ekanligini yashirmadi.

28 yoshli hujumchi «Tuluza»ga qarshi (3:1) Fransiya Liga 1 bahsida dubl qayd etib, parijliklarga g‘alaba keltirdi.

«Dembele — ajoyib futbolchi, u «Oltin to‘p»ni bejizga qo‘lga kiritmagan. U bilan bir jamoada o‘ynash — shunchaki hayratlanarli.

U yana «Oltin to‘p»ni yuta oladimi? Ha, deb umid qilaman. Usmon maydonda ham, uning tashqarisida ham biz uchun juda muhim», — deya Fransiya OAVlari Ernandesning o‘yindan keyingi intervyusidan iqtibos keltirmoqda.

Ma’lumot uchun, Dembele Fransiya chempionatining joriy mavsumida 17 ta uchrashuvda maydonga tushib, 10 ta gol va 5 ta golli uzatmani amalga oshirdi.