«ПСЖ» ҳимоячиси Люка Эрнандес жамоадоши Усмон Дембеленинг ўйинидан ҳайратда эканлигини яширмади.

28 ёшли ҳужумчи «Тулуза»га қарши (3:1) Франция Лига 1 баҳсида дубль қайд этиб, парижликларга ғалаба келтирди.

«Дембеле — ажойиб футболчи, у «Олтин тўп»ни бежизга қўлга киритмаган. У билан бир жамоада ўйнаш — шунчаки ҳайратланарли.

У яна «Олтин тўп»ни юта оладими? Ҳа, деб умид қиламан. Усмон майдонда ҳам, унинг ташқарисида ҳам биз учун жуда муҳим», — дея Франция ОАВлари Эрнандеснинг ўйиндан кейинги интервьюсидан иқтибос келтирмоқда.

Маълумот учун, Дембеле Франция чемпионатининг жорий мавсумида 17 та учрашувда майдонга тушиб, 10 та гол ва 5 та голли узатмани амалга оширди.